AF268: 82v

fe‑ammā sāyirlerinden ḥāṣıl olan ʿilācı bundan müşkildür ve hem insāna ḥareket vėren balġamdur qalʿeʾi bu ṣu üstine // binā ėdelüm dėdi eline usṭurlāb alub naẓar ėdüb eyitdi yā mālik bu yėrde her kim qarār eylese // ʿömri uzun ola ve hem dünyāya ġālib ola ve hem ulu pādişāhlar maqāmı olub cemīʿ memālik bu yėrden // żabṭ olına ve āḫir zemānda bunda bir qavm gelse anlaruñ dīni islām dīni üzre olub kefereye // düşmen olalar dāyimā anlaruñ dirnegi [?] ve yurdı bunda ola dėdi pes melik Evrenos vezīrüñ // tedbīri ile ḥiṣārı binā ėtdürüb resmin çār gūşe ėtdiler ve hem cānibden on ikişer burc // eylediler ve her gūşesinde müdevver bir burc qodılar evvelā rāst gün doġusına ḥikmet üzre bir ʿaẓīm burcı // qodılar qaçan güneş anuñ muqābelesinde vāqiʿa olsa ṭulūʿda nevrūzı andan bilürlerdi ve güneş aṭval // eyyāmda altı ay ḥiṣāruñ bir cānibine seyr ėder ve aqṣar eyyāmda altı ay daḫı bir cānibine seyr ėder // ve daḫı bir burc mā‑beyninde on beş beden vażʿ eylediler on beş derece ʿadd ėdüb ve sekiz yėrden // qapu eylediler ki bu şehr rūḥuñ cennetidür dėyü ʿaẓīm kenīsā bünyād ėtdiler rivāyetdür ki Evrenos neslinden // Cevher Şāh dėrler bir pādişāh var idi cüẕām marażına mübtelā olmış idi gelüb ol kilīsānuñ içinde // olan bıñar ṣuyından ġusl ėdüb ve ol marażdan ḫalāṣ olub daḫı ol kenīsā‑yi laṭīfi maʿmūr // eyledi ve ol bıñaruñ ṣuyına bir ṭabaqa iʿtibār ėderlerdi ki şīşelerle Frengistāna bir güẕār gönderürlerdi // ve Arqas ḥekīm şemāl qapusınuñ ṭaşra cānibinde bir ulu kenīsā ve bir ulu bıñar peydā ėtdürmiş idi // rivāyetdür ki meẕkūr bıñaruñ başı zemzem‑i şerīfdendür dėrler tevārīḫde mesṭūrdur bunlar rubʿ‑i // meskūnda üç bıñardur birisi ẕikr olınan bıñar birisi daḫı Ṣıġırcıq [?] ṣuyı bıñarıdur // ve biri daḫı Quds‑i şerīfdedür ḫāṣṣaları meşhūrdur ve ḥekīmüñ binā ėtdügi kenīsaʾı cemīʿ diyāruñ ḫalqı // yılda bir kerre ziyārete gelürlerdi ḥācet ki dileyelerdi qabūl olurdı ve içinde biñ dāne ruhbān‑i // riyāżet‑keş olurdı ve melik‑i Evrenosuñ qız qarındaşı daḫı rāst‑i qalʿenüñ muqābelesinde Tunca kenārında // üstinde bir ʿaẓīm köpri bünyād ėtdürdi ki şimdi Mīḥāl köprisi dėmekle maʿrūfdur ve Āyine Şāh [?] dėrler